اب پانی سر سے گزر چکا، تنخواہ دار آدمی کو برباد کر دیا گیا:حافظ نعیم الرحمان
Now the water has gone over the head, the salaried man has been ruined: Hafiz Naeem ur Rahman
امیر جماعت اسلامی حافظ نعیم الرحمان نے کہا ہے کہ آئی پی پیز کی 80 فیصد کمپنیاں پاکستان کے لوگوں کی ہیں، تمام حکومتوں نے ان کمپنیوں کی سہولت کاری کی، اب آئی پی پیز کا دھندہ نہیں چلے گا۔ دھرنے کے شرکا سے خطاب کرتے ہوئے امیر جماعت اسلامی حافظ نعیم الرحمان نے کہا کہ چھاپوں، گرفتاریوں کے باوجود کارکنان اسلام آباد پہنچے، ہم تھکے نہیں اسی جذبے کے ساتھ موجود رہیں گے، اگر میں کہوں ڈی چوک چلنا ہے تو کیا تیار ہیں؟۔حافظ نعیم الرحمان کا کہنا تھا کہ اب پانی سروں سے گزر چکا ہے، تنخواہ دار آدمی کو برباد کر دیا گیا ہے، مڈل کلاس آخری ہچکیاں لے رہے ہیں، بجلی کے بموں کی وجہ سے صنعت کار ملیں بند کرنے پر مجبور ہوگئے ہیں۔امیر جماعت اسلامی نے کہا کہ گوجرانوالہ میں ایک بھائی نے بجلی بل کی وجہ سے بھائی کو قتل کر دیا...