لیسکو نے ڈیفالٹرز اور بجلی چوروں کے خلاف رینجرز کی مدد مانگ لی
Lesco sought the help of Rangers against defaulters and power thieves
لاہور الیکٹرک سپلائی کمپنی (لیسکو) نے ڈیفالٹرز اور بجلی چوروں کے خلاف رینجرز کی مدد مانگ لی۔اس حوالے سے لیسکو انتظامیہ نے نوٹیفکیشن بھی جاری کر دیا، نوٹیفکیشن کے مطابق ٹاپ 100 ڈیفالٹرز کے خلاف آپریشن ہو گا، پہلے مرحلے میں اوکاڑہ سرکل میں رینجرز معاونت کرے گی۔نوٹیفکیشن میں کہا گیا کہ اوکاڑہ سرکل کے سرحدی اور دور دراز دیہات میں بجلی چوروں کے خلاف آپریشن ہوگا، لیسکو سٹاف کے ساتھ رینجرز آپریشن پر ساتھ ہوگی، اس کے علاوہ قصور، شیخوپورہ اور ننکانہ سرکل میں بھی بجلی چوروں کے خلاف آپریشن ہوگا۔جاری نوٹیفکیشن میں مزید کہا گیا کہ ان سرکلز میں ڈیفالٹرز اور لاسز زیادہ نکلے، لیسکو نے اس معاملے کو انتہائی حساس قراردیا ہے،افسران سے ڈیفالٹرز کی فہرستیں 2 روز میں مانگ لی ہیں۔
Lahore Electric Supply Company (LESCO) sought the help of...
