پولٹری ٹریڈرز ایسوسی ایشن کی ہڑتال ختم
Poultry Traders Association strike is OVER
حکومت سے مذاکرات کامیاب ہونے کے بعد پولٹری ٹریڈرز ایسوسی ایشن نے ہڑتال ختم کر دی۔
پنجاب حکومت نے برائلر کی قیمتوں کا فارمولا بحال کر دیا جس کے مطابق حکومتی عمل دخل ختم ہوگیا، متعلقہ ایسوسی ایشنز ہی اب برائلر کی قیمتیں طے کریں گی، نئے فیصلے سے شہریوں میں تشویش کی لہر دوڑ گئی۔
ہڑتال ختم ہونے کے باوجود مارکیٹ میں برائلر گوشت کی سپلائی تاحال مکمل بحال نہیں ہوئی، سپلائی میں کمی کے باعث آج بھی بعض جگہوں پر برائلر گوشت مقررہ ریٹ سے زیادہ پر فروخت ہو رہا ہے۔
ذرائع کے مطابق آج برائلر گوشت کا ریٹ 2 روپے اضافے سے 699 روپے فی کلو مقرر کیا گیا ہے جبکہ عام دکانوں پر برائلر گوشت 800 روپے فی کلو تک فروخت ہو رہا ہے۔
مارکیٹ میں من مانے نرخ پر برائلر گوشت کی فروخت پر شہریوں میں تشویش کی لہر دوڑ گئی، شہری مہنگے گوشت کا شکوہ کرتے دکھائی دے رہے ہیں۔
...